समाचार

जापानमा आँधीको वितण्डा, ११ लाख मानिस प्रभावित

टोकियो । जापानमा आइतबार आएको शक्तिशाली आँधीले जनजीवन नराम्रोसँग प्रभावित बनेको छ । संसारमा बढी प्राकृतिक विपत्तिको सामना गर्ने मुलुकमध्ये एक जापानमा पछिल्लो २५ वर्षयता कै शक्तिशाली आँधी आएको हो । यो आँधिलाई ‘हाइसेन’ नाम दिइएको छ ।

यद्दपी पूर्वतयारी गरिएका कारण अहिलेसम्म मानवीय क्षतिको भने खबर छैन । शक्तिशाली आँधीले ११ लाख मानिस प्रत्यक्ष प्रभावित भएको र उनीहरुको स्थानान्तरणको तयारी थालिएको छ । जापानको दक्षिण पश्चिम क्षेत्रमा आँधीले प्रभाव पारेको छ ।

१७२ किलोमिटर प्रतिघण्टाको गतिमा आँधी आएको थियो । यसले ठूलो वर्षा समेत निम्त्याएको थियो । जापानमा केही दिन अगाडी पनि ‘मेसक’ नामक अर्को शक्तिशाली आँधी आएको थियो । आँधी आएपछि हवाइ उडान, उद्योगधन्दा, विद्यालय बन्द भएका छन्। खानपानी र विद्यूतको आपूर्ति समेत प्रभावित बनेको छ ।

यो आँधीको असर अहिले उत्तर कोरियामा समेत देखिन थालेको अन्तर्राष्ट्रिय संचारमाध्यमले जनाएका छन् ।