काठमाडौं । सरकारले बंगलादेशबाट ५० मेट्रिकटन युरिया मल पैँचोमा ल्याउने निर्णयलाई औपचारिकता दिएको छ । बिहीबार बसेको मन्त्रिपरिषद् बैठकले बंगलादेशबाट मल ल्याउन कृषि मन्त्रालयलाई सहमति दिएको हो । यसअघि प्रधानमन्त्री केपी शर्मा ओलीले बंगलादेशी समकक्षीसँग टेलिफोन वार्ता गरी मल पैचौं मागेका थिए ।

प्रधानमन्त्रीको सहमतिसँगै मल ल्याउने बाटो खुलेको हो । अबको दुई महिना भित्र बंगलादेशबाट युरिया मल नेपाल आइसक्ने भएको छ । बंगलादेशसँग पैँचोमा मागिएको मल नेपालले ग्लोबल टेण्डर गरेर ८ महिनाभित्र बंगलादेशलाई फिर्ता दिनइसक्नु पर्ने छ । नेपाली ठेकेदार कम्पनीले मल ल्याउन नसकेपछि रोपाईको यो सिजनमा कृषकले मल नै राख्न पाएका छैनन् ।