काठमाडौं । पछिल्लो डेढ महिनामा क्यानडाले तीन जना नेपाली समुदायका सदस्यलाई गुमाउन पुगेको छ । गत आइतबार राजधानी अटोवा निवासी मान्भी श्रीवास्तव विष्टको ज्यान गएको गैरआवासीय नेपाली संघले जनाएको छ । उनको घरमै लडेर ज्यान गएको हो । उनी ५० वर्षीया रहेको संघले जनाएको छ । यसअघि २७ अगस्तमा ओटवामा बस्ने जगन्नाथ र उर्मिला ओझाका छोरा सौगातको २९ वर्षको उमेरमा ज्यान गएको थियो ।

उनको समेत बाथरुममै ज्यान गएको हो । उता, क्यानडाको टोरन्टो इटोविकोकमा अगस्त ११ मा सवारी दुर्घटनामा ३ वर्षीय बालक रायन भट्टराईको ज्यान गएको छ । उनको सडक पार गर्ने क्रममा भएको दुर्घटनामा ज्यान गएको हो । पछिल्ला दिनमा विदेशमा कोरोनाबाहेक अन्य कारणबाट पनि नेपालीको ज्यान जाने क्रम जारी छ ।