काठमाडौं । अब विदेशमा रहेका श्रमिक र नेपालीले डिजिटल पेमेन्टमार्फत रेमिट्यान्स पठाउन सक्ने भएका छन् । नेपाल राष्ट्र बैंकका अनुसार रेमिट्यान्स कम्पनीलाई नेपाली कार्यरत रहेका देशमा सञ्चालनमा रहेका डिजिटल पमेन्ट गर्ने संस्था (डिजिटल वालेट सञ्चालक) सँग आवद्ध भई यस्तो सेवा सुरु गर्न सक्ने भएका छन् ।

राष्ट्र बैंकको निर्देशनपछि अब विदेशमा रहेका नेपालीहरुले डिजिटल पेमेन्टमार्फत सिधै रेमिट्यान्स पठाउन सक्ने नेपाल राष्ट्र बैंकले जानकारी दिएको छ । यो व्यवस्था लागू भएपछि विदेशमा रहेका नेपालीले घरमा पैसा पठाउन बैंक वा रेमिट्यान्स कम्पनीमा भौतिक रुपमै उपस्थित हुनु बाध्यता समेत हटेको छ ।

नेपाल पैसा पठाउनका लागि मोवाइल बैंकिङ, यन्टरनेट बैंकिङ, इलेक्ट्रिक कार्ड, डिजिटल वालेट आदीको प्रयोग गर्न सकिने नेपाल राष्ट्र बैंकले जनाएको छ ।

यसरी विदेशबाट पठाएको रकमको नेपालमा रेमिट्यान्स कम्पनीहरुले नेपाली रुपैयाँमा भुक्तानी गर्ने भएका छन् ।
यसका लागि नेपाल राष्ट्र बैंक विप्रेषण विनियमावली, २०६७ को साविकका व्यवस्थाका अतिरित्त तोकिएका शर्त भने पुरा गर्नुपर्ने भएको छ ।