न्युयोर्क       

माइक्रोसफ्टका सह-संस्थापक तथा विश्व स्वास्थ्य परोपकारी बिल गेट्सले कोभिड -१९ को बिषयमा अमेरिकी बर्तमान सरकारको काम गराईलाई निर्लज्ज भन्दै आलोचना गरेका छन् । बिल गेट्सले आइतबार फक्स न्युजसँगको कुराकानीमा ‘महामारीको ६ महिना बितेर यतिविघ्न क्षति गरिसकेको अवस्थामा हालसम्म पनि तुरुन्तै कोरोना परिक्षणको नतिजा प्राप्त गर्ने अवस्था छैन’ भन्दै सरकारको आलोचना गरेका हुन् ।  गेट्सले भनेका छन्; “अहिलेसम्म पनि मानिसहरुले २४ घण्टा भित्र रिजल्ट प्राप्त गर्न सक्दैनन । अहिले पनि यस्तो अवस्था हुनु अपमानजनक कुरा हो”।

अहिलेसम्म पनि मानिसहरुले २४ घण्टा भित्र रिजल्ट प्राप्त गर्न सक्दैनन । अहिले पनि यस्तो अवस्था हुनु अपमानजनक कुरा हो

जोन हप्किन्स् युनिभर्सिटीका अनुसार अमेरिकामा ६८ लाख ९७ हजार संक्रमित र २ लाख ८ सयको मृत्‍यु भई सकेको छ । जुन संख्या दक्षिण कोरिया, अस्ट्रेलिया, जर्मनी क्यानाडा लगायत अन्य बिकसित देशहरुको तुलनामा संक्रमित र मृतकको संख्या दुबै उच्च छ । गेट्सले थप भनेका छन्; “अमेरिकामा राजनीतिक र स्वास्थ्य सम्वन्धि नेतृत्वले बर्तमान अवस्थामा कोरोना जाँचको लागि सन्यन्त्र अपर्याप्त भएकोको कुरा सार्वजनिकरुपमा स्वीकार गर्दै अब उप्रान्त कसरी सहज तरिकाले सेवा दिने बाटो पहिल्याउनु पर्दछ”।

अमेरिका मृतकको संख्या दुई लाख कटे पनि सरकारको नेतृत्व गरी रहेका राष्ट्रपति डोनाल्ड ट्रम्पले अझै ‘मास्क लगाउँदा कोरोनाबाट बच्न सम्भव छ’ भन्ने गरेका छैनन र आगामी नोभेम्बर ३ को निर्वाचन लक्षित चुनावी सभाहरु बिना मास्क र बिना सामाजिक दुरी आयोजना गर्दै आएका छन् । 

समाचार संस्था सिएनएनले उच्चस्तरीय स्वास्थ्य अधिकारीको हवाला दिदै अमेरिकामा आगामी जनवरी १ सम्म कोरोनाबाट मृत्‍यु हुनेको संख्या ४ लाख कट्ने अनुमान गरिएको छ ।