फिचर

त्रिविमा रोकिएका परीक्षा छठपछि धमाधम

फाइलफोटो

काठमाडौं । त्रिभुवन विश्वविद्यालयमा कोरोना भाइरसको संक्रमणयता रोकिएका सबै परीक्षा छठपछि धमाधम सकिने भएको छ । त्रिभुवन विश्वविद्यालयले परीक्षाको तयारी थाल्न सरोकारवाला निकायलाई निर्देशन समेत गरिसकेको जानकारी विश्वविद्यालयले दिएको छ ।

त्रिवि कार्यकारी परिषद्, परीक्षा सुधार तथा समन्वय परिषद् र केन्द्रीय परीक्षा सञ्चालन समितिको बैठकले कोरोनाका कारण रोकिएका परीक्षा छठलगत्तै सञ्चालन गर्ने निर्णय गरेको छ । त्रिभुवन विद्यविद्यालय मातहतका धेरै जसो परीक्षा कोरोनाको संक्रमणका कारण रोकिएका छन् ।

यसअघि त्रिविले भदौ दोस्रो हप्तादेखि परीक्षा सुरु गरी दशैँअघि नै सबै सेमेस्टरको परीक्षा सक्ने तयारी गरेको थियो । तर, बीचमा सरकारले निषेधाज्ञा घोषणा गरेपछि त्रिविको समय असफल भएको थियो ।

त्रिविले परीक्षा भने कक्षाकोठामै उपस्थित भएर दिनु पर्ने व्यवस्था गर्नेछ । घर पायक पर्ने ठाउँमा कक्षाकोठामै उपस्थित भएर परीक्षा दिनु पर्नेछ । भर्चुअल माध्यमबाट पढाई भइरहेको भए पनि परीक्षा भने त्यसरी लिइने छैन ।