फिचर

नेपालमा विशेष कृषि केन्द्र स्थापना हुने, इजरायलको लगानी

काठमाडौं । कृषि क्षेत्रमा इजरायली नमुना विश्व प्रसिद्ध छ । त्यहाको प्रविधिलाई नेपालमा भित्राउन सरकारी स्तरबाटै पहल थालिएको छ । यसै क्रममा नेपाल सरकारले इजरायलको अत्याधुनिक कृषि प्रविधिसहितको विशेष केन्द्र स्थापना गर्न अनुमति दिएको छ ।

आइतबार बसेको मन्त्रिपरिषद् बैठकले यस्तो निर्णय गरेको सरकारका प्रवक्ता प्रदीप ज्ञवालीले जानकारी दिए । नेपालमा विशेष कृषि केन्द्र स्थापना भएपछि कृषिको आधुनिकिकरण र विकासमा ठूलो टेवा पुग्ने विश्वास लिइएको उनले बताए ।

उनका अनुसार नेपाल सरकार र इजरायल सरकारबीच कृषि विशेष केन्द्र स्थापनामा इजरायल सरकारले सहयोग गर्ने सहमति भएको छ । त्यसका लागि एमओयु स्वीकृत गर्ने र नेपालका सात वटै केन्द्रमा कृषि केन्द्र स्थापना गर्न दिने निर्णय सरकारले गरेको हो ।