समाचार

नेपाली सेनामा स्थगित भएका भर्ना पुनः शुरु

काठमाडौं । नेपाली सेनाले आफ्नो संगठनमा रिक्त रहेका पदमा शुरु गरेको भर्ना प्रक्रिया कोरोना भाइरसको महामारीसँगै स्थगित गरेको थियो । यसरी स्थगित भएका भर्ना पुनः प्रारम्भ भएको सेनाले जनाएको छ । कोरोना महामारीपछि चैत ७ गतेदेखि स्थगित गरिएको भर्ना प्रक्रिया पुनः सूचारु भएको सेनाले विज्ञप्ती मार्फत जानकारी गराएको छ ।

२०७६ माघ ७ मा सेनाले विभिन्न पदका लागि विज्ञापन मागेको थियो । त्यसपछिका कारण परीक्षाहरु स्थगित भएका थिए । स्थगित गरिएका सबै भर्ना प्रक्रिया सूचारु भएको सेनाले जनाएको छ । सूचारु गरिएका परीक्षाबारे लोकसेवा आयोगको वेभसाईट, नेपाल आर्मीको वेभसाइट वा मोबाइल एपबाट जानकारी पाउन सकिने भएको छ ।