13-Dec-2019 | २७ मंसिर २०७६, शुक्रबार

रोचक खेलमा पाकिस्तानद्वारा अफगानिस्तान तीन विकेटले पराजित, अफगानिस्तान शुन्य अंकमै

१४ असार २०७६, शनिबार ०   बिचार / प्रतिक्रिया


न्यूयोर्क
विश्वकप क्रिकेट अन्तर्गत शनिबार भएको पहिलो खेलमा पाकिस्तानले रोचक जित हासिल गरेको छ । अफगानिस्तानले दिएको २२८ रनको लक्ष पछ्याएको पकिस्तानले दुई बल बाँकी छँदा तीन विकेटको जित हात पारेको हो ।

आजको हारसँगै अफगानिस्तानको प्रतियोगितामा जितको खाता खोल्ने चाहना अधुरै रह्यो । प्रतियोगिता अन्तर्गत लिग चरणका आठ खेल खेलि सकेको अफगानिस्तान अहिलेसम्म जित निकाल्न नसक्दा शुन्य अंक सहित तालिका अन्तिम स्थानमा रहेको छ । अफगानिस्तानले अब एक खेल मात्र खेल्न बाँकी छ । शनिबार कसिलो बलिङ गरेको अफगानिस्तानले सुरु देखिनै पाकिस्तानलाई दबाबमा राखेको थियो । तर, अन्तिम चार ओभरमा सुधारिएको ब्याटिङ गर्दै पाकिस्तान बिजयी भयो ।
४७ औँ ओभरमा पाकिस्तानका

आई वसिमले १८ रन हान्दै खेलको मोडमा परिवर्तन ल्याएका थिए । पाकिस्तानी माथि निरन्तर दबाब बढाइरहेको अफगानिस्तानका कप्तान गुल्बादिन नाइब उक्त ओभरमा बलिङ गर्न गएका थिए । तर, खेल उनले सोचेभन्दा ठीक उल्टो भयो । २० ओभरको खेल सकिँदा पाकिस्तानले चार विकेट गुमाएर ५७ रन मात्र बनाउन सकेको थियो । अफगानिस्तानी मुजिब र नाबीको कसिलो बलिङ अन्ततः देशलाई टिमलाई जिताउन काफी भएन ।

आजको जितसँगै पाकिस्तानले सेमिफाइनलमा प्रवेशको सम्भावनालाई जिवित रोखेका छ । तालिकाको उत्कृष्ठ चारमा रहने टोलीले सेमिफाइनल खेल्नेछन् । आजको जितसँगै पाकिस्तान नौ अंक सहित तालिकाको चौथो स्थानमा उक्लिएको हो । एक खेल कम खेलेको बेलायतको आठ अंक रहेको छ । अब पाकिस्तानले अन्तिम खेल जितेमा र बेलायत दुईमध्ये एक खेल हारेमा पाकिस्तान सेमिफाइनल प्रवेश गर्नेछ । अंक तालिकामा अष्ट्रेलिया, भारत र  न्यूजिल्याण्ड क्रमशः पहिलो, दोस्रो र तेस्रो स्थानमा छन् ।

Loading...

फेसबुकबाट तपाईको प्रतिक्रिया

सम्बन्धित समाचार