काठमाडौं । धावनमार्गको पीच उप्काएर नयाँ बनाउने काम शुरु भएपछि दैनिक १० घण्टा बन्द भएको त्रिभुवन विमानस्थल सोमबारदेखि २१ घण्टा खुल्ने भएको छ ।

विमानस्थलका महाप्रवन्धक राजकुमार क्षेत्रीका अनुसार यो आयोजना निर्धारित समयमै सम्पन्न भएको छ ।

१८ चैतबाट शुरु भएको काम तीन ७० दिनमा सक्ने लक्ष्य लिइएको थियो । ३०५० मिटर लामो धावनमार्गको पीच पुरै उप्काएर नयाँ बनाइएको हो ।

अब विमानस्थल दैनिक राती ३ बजेसम्म संचालनमा हुनेछ । बिहान ६ बजेबाट पुनः सेवा शुरु हुनेछ । स्वर्गिय पर्यटन मन्त्री रवीन्द्र अधिकारीले यो विमानस्थल २१ घण्टा संचालनको वातावरण बनाएका थिए ।

त्यसपछि हवाइ उडानकाृ चाप निकै हदसम्म व्यवस्थापन भएको थियो । महाप्रवन्धक क्षेत्रीका अनुसार धावनमार्गको पीच नयाँ बनाउने काम सकिएपछि ट्याक्सी वेको काम भने बाँकि छ ।

त्यो काम अब वर्षा सकिएपछि अर्थातः सेप्टेम्बरमा मात्र शुरु हुनेछ । त्यस समयमा भने पुनः विमास्थलको संचालन अवधि घटाइने छ ।

त्रिभुवन विमानस्थल नेपालको एक मात्र अन्तरराष्टिय विमानस्थल हो । जहाँबाट दैनिक औसतः ४ सय हाराहारी उडान र अवतरण हुने गर्छन् ।