नाइजेरियामा ईन्धन बोकेको एक ट्यांकर बिस्फोट हुँदा ५० जनाको ज्यान गएको छ भने १०१ जना घाईते भएका छन् । ईन्धनले भरिएको ट्रकले सडकमा भएको खाडल छल्न खोज्दा ट्यांकर पल्टिएर बिस्फोट भएको हो । घटना बेनुई राज्यको अंबुही गाँऊमा सोमबार दिंउसो घटेको हो ।पल्टिएको ट्यांकरबाट पोखिएको ईन्धन उठाएर लैजान भिड जम्मा भएको समयमा ट्यांकर बिस्फोट भएको कारण थुप्रै मानवीय क्षति भएको समाचार एजेन्सीहरुले जनाएका छन्न् । बिस्फोटनबाट नजिकैका घर तथा पसलहरु समेत जलेर नष्ट भएका छन् ।
ईन्धन बोकेको ट्यांकर बिस्फोटको घटना नाईजेरियामा यो पहिलो होईन । गत जुन महिनामा लागोस् शहरमा ट्यांकर बिस्फोट हुँदा १० जनाको मृत्युभएको थियो भने सन् २०१५ मा अनाम्रा राज्यमा भएको ट्यांकर बिस्फोटमा ६० जनाको ज्यान गएको थियो ।
