ब्राजिल घरेलु मैदानमा जारी कोपा अमेरिका फुटलबलको फाइलनमा पुगेको छ । बुधबार बिहान सम्पन्न सेमिफाइनलमा चिरपरिचित प्रतिद्धन्द्धी अर्जेन्टिनालाई हराउँदै ब्राजिल फाइनल प्रवेश गरेको हो ।

ब्राजिलले अर्जेन्टिनालाई २-० गोल अन्तरले हरायो । विश्व चर्चित खेलाडीको बाहुल्य रहेको खेलमा ग्राबियल जेससको गोलमार्फत १९ औं मिनेटमा अग्रता लिएको थियो ।

७१ औं मिनेटमा रोब्रेटो फ्रिमिनोले गोल गर्दै अग्रता दोब्बर पारे । खेलमा पडक आफ्नो पक्षमा बढी राखेपनि अर्जेन्टिनाले गोल भने फर्काउन सकेन । ब्राजिलको पोष्टमा १४ पटकसम्म आक्रमण गरेको अर्जेन्टिनाका लागि सबै प्रहार खेर गए ।

ब्राजिलले भने पोष्टमा ४ पटक मात्र आक्रमण गर्यो । २ प्रहार गोलमा परिणत भए । प्रतियोगितामा शुरु देखि नै कमजोर प्रदर्शन गरिरहेको अर्जेन्टिनाका कप्तान लियोनल मेसीलाई यस पटक पनि मूख्य प्रतियोगिता देशका लागि भित्राउन अवसर गुमेको छ ।
एजेन्सी