12-Dec-2019 | २६ मंसिर २०७६, बिहीबार

लम्जुङमा स्मार्ट फिल्म सिटी बन्ने, ६ अर्ब लगानी

१८ असार २०७६, बुधबार ०   बिचार / प्रतिक्रिया


काठमाडौं । आकर्षक जिल्ला लम्जुङमा स्मार्ट फिल्म सिटी निर्माण गरिने भएको छ । सीटी निर्माणसम्बन्धी एक सम्झौतामा बुधबार इटालियन र नेपाली कम्पनीबीच हस्ताक्षर भयो ।

यस सम्झौताको साक्षी सञ्चार तथा सूचना प्रविधि मन्त्री गोकुल बाँस्कोटा रहे । स्काई इन्टरनेट नेपाल र इटालियन कम्पनी एरिया होल्डिङबीच फिल्म सीटी निर्माणको सहमतिमा सम्झौता भएको हो ।

सम्झौता अनुसार दुई कम्पनी मिलेर अब एक संयुक्त कम्पनी वर्ल्ड स्काई सिने भिलेन नेपाल स्थापना गरिने छ । सोही कम्पनीले लगानीको जोहो र संचालनसमेत गर्नेछ ।

यस परियोजनाको कूल लागत भने ६ अर्ब अनुमान गरिएको छ । फिल्म सिटीको नाम पनि वर्ल्ड स्काई सिने भिलेज नेपाल राख्ने सहमति उक्त अवसरमा भयो ।

फिल्म सीटी लमजुङको बेंसीसहर नगरपालिकामा निर्माण गर्ने योजना सार्वजनिक गरियो । उक्त नगरपालिकाको वडा ३, ४, ५ र ९ स्थित ५ हजार रोपनी क्षेत्रमा फिल्मी सिटी निर्माण हुने उक्त अवसरमा जानकारी दिइयो ।

समुन्द्री सतहबाट संसारकै अग्लो स्थानमा निर्माण हुने फिल्म सिटीले देशबिदेशबाट पर्यटक समेत आकर्षित गर्ने स्काई इन्टरनेट अध्यक्ष आकाश अधिकारीको भनाई छ । उक्त अवसरमा मन्त्री बासकोटाले फिल्म सीटी निर्माण एक ऐतिहासिक आयोजना हुने बताए ।

Loading...

फेसबुकबाट तपाईको प्रतिक्रिया

सम्बन्धित समाचार