Epapers :

21-Oct-2019 | ४ कार्तिक २०७६, सोमबार

प्रकृती

२१ असार २०७६, शनिबार ०   बिचार / प्रतिक्रिया


आमा !

तिमीले मलाई जन्मायौ

यी हात खुट्टा लाग्ने बनायौ

मनचरी झै उड्न सिकायौ

तर, 

तिम्रो सपना पूरा गर्न हैन

मेरो आफ्नै चाहना पूरा गर्न

तिमी कति स्वार्थी छौ आमा

आफुले गरेको कर्तव्यको हिसाब माग्छेउ

तर म ती सब तिम्रा सपना पूरा गर्न सक्दिन

किनकि

तिमीले म माथि सपना देखे जस्तै

मेरो पनि सपना बुन्ने ठाउँ अर्कै भैसकेको छ

मेरो खुशी अरु कोहीमा पाइसकेको छु

आज तिम्रो माया बिर्सेर

अर्कैको खुशीको लागि रमाउने भैसकेको छु

अर्कैको अंगालो न्यानो प्यारो लाग्ने भैसकेको छु

किनकी अचेल त्यो तिम्रो न्यानो काखमा गन्ध आउँछ आमा

साच्चै,

आमा तिमिलाई पीडा हुँदा नछुने भैसकेको छु

म लाचार छु

म विवश छ

तिमीलाई इन्कार गर्न समर्थ छु

तिमीलाई धोका दिन तयार छु

तिम्रो सपनाको गला रेट्न तयार छ

तर 

मेरो आफ्नो खुशीको होइन 

आमा

मेरो आफ्नो खुशीको होइन

सिता सुबेदी

काठमाडौं

(एउटा खुट्टाले नाच्ने कलाकार)

फेसबुकबाट तपाईको प्रतिक्रिया

सम्बन्धित समाचार