काठमाडौं । शनिबार दिउँसो काठमाडौंमा भूकम्पको धक्का अनुभव गरिएको छ । अपराह्न ४ बजेर १५ मिनेटमा ४.६ रेक्टर स्केलको भूकम्प गएको खानी तथा भूगर्भ विभागले पुष्टी गरेको छ ।
भूकम्पको केन्द्रविन्दु भक्तपुर रहेको छ । शनिबार सबैजना घरमा रहेको अवस्थामा भूकम्प गएका कारण शनिबारको धक्का धेरैले महसुश गरेका थिए ।
भूकम्प लगत्तै सामाजिक संजालमा भूकम्पबारे एकसाथ हजारौं स्टाटस अपलोड भएका छन् ।
त्यसो त काठमाडौंमा विहानैदेखि ठूलो वर्षा भइरहेको छ । वर्षा भइरहेर्कै समयमा भूकम्पको धक्का समेत आएपछि काठमाडौंबासी आत्तिएका हुन् ।
विभागका अनुसार यो पराकम्प पनि गोरखा भूकम्पकै पराकम्प हो । एक पटक ठूलो भूकम्प गइसकेपछि हलचल भएको भूगर्भ मिल्ने क्रममा ससाना पराकम्प गइरहने बताइन्छ ।
