ब्राजिल । कोपा अमेरिका फूटलबको तेस्रो स्थानका लागि भएको खेलमा अर्जेन्टिना विजयी भएको छ । तर, यो खेल भने पूर्णतया विवादित भयो ।

३७ औं मिनटमा कप्तान लियोनल मेसीलाई रेफ्रीले रातो कार्ड दिँदै मैदान बाहिर पठाएपछि खेल विवादित बनेको हो । मेसीले करियरकै दोस्रो रातो कार्ड पाए ।

आइतबार बिहान कोपा अमेरिका फूटबलको तेस्रो स्थानका लागि भएको चिलीसँगको खेलमा मेसी र ग्यारी मेडलबीच बल खोस्ने क्रममा विवाद भएको थियो ।

अर्जेन्टनाको डिबक्सबाट बल लिने क्रममा यी दुई खेलाडीबीच भएको विवादमा मेडलले मेसीलाई छातीमा हिर्काएका थिए । तर, रेफ्रीले दुबै खेलाडीलाई रातो कार्ड दिँदै मैदान बाहिर पठाए ।

रेफ्रीले भीएआर सुविधा पनि उपयोग नगरी सिधै रातो कार्ड दिएपछि खेलाडीहरु आक्रासित भएका थिए । मेसीले रातो कार्ड पाउनु अगाडी नै अर्जेन्टिनाले चिलीविरुद्ध दुई गोल गरिसकेको थियो ।

समग्रमा अर्जेन्टिना २१ गोल अन्तरले जित निकाल्यो । अर्जेन्टिनाका लागि १२ औं मिनेटमा सर्जिओ एग्युरो र २२ औं मिनेटपछि पाउलो डिबलाले गोल गर्दै अग्रता दोब्बर बनाए । चिलीका लागि भिडालले पेनाल्टीमार्फत गोल गरे ।
एजेन्सी