Epapers :

18-Jul-2019 | २ साउन २०७६, बिहिबार

न्युयोर्कमा स्वर्गीय गिरिजा प्रशाद कोईरालाको जन्म जयन्ति भब्य रुपमा मनाईयो

२४ असार २०७६, मंगलवार ०   बिचार / प्रतिक्रिया


न्युयोर्क

जिपी कोईराला फाउन्डेशन अमेरीकाद्वारा स्व. गिरीजाप्रसाद कोईरालाको ९६ औं जन्मजयन्ती न्युयोर्क कुईन्समा बिशेष कार्यक्रम सहित मनाईयो । गत जुलाई ७ अाइतवार साँझ नेपालि आप्रबासीको घनाबस्ति ज्याक्सन हाईट्सस्थित जुईस सेन्टरमा, फाउन्डेसनका अमेरिकी साखा अध्यक्ष सोमनाथ घिमीरेको नेतृत्त्वमा जन्म जयन्ति कार्यक्रम सम्पन्न भएको हो । पछिल्लो समय फाउन्डेसनको अमेरिकामा व्यापक सामाजिक सक्रियता बढदै गएको छ ।
जन्मजयन्ती कार्यक्रममा फाउन्डेसनका उपाध्यक्ष सुवर्ण लामा, कोशाध्यक्ष व्रेन्दा राइ, केन्द्रीय सदस्यहरु क्रमशः प्रेम पौडेल, श्याम कार्की, छिरीङ राप्के लामा, राम कोइराला, विष्णु सिहं वैजुं, विमल डागीं, राम चन्द्र अधीकारी, सुश्री दावा शेर्पा र मानार्थ सदस्य सान्त रीसालको उपस्थिति रहेको थियो ।कार्यक्रममा आप्रबासी समुदायका विभिन्न क्षेत्रका विशिष्ठ अथितीहरू लगायत नेपाल,भारत,वंगलादेश, पाकिस्तान, श्रीलंका, वोस्नीया, गयाना, हैटी, तिब्बत, अफगानिस्तान, भुटान, म्यानमार लगायत राष्ट्रका वरिष्ठ साहित्यकार, समाजसेवी, मानवअधीकारवादी, पत्रकार, वुद्वीजिवी एवं अमेरीकाका विशिष्ठ सामाजिक अभियान्ताहरू, राजनीतिज्ञहरु लगायतको उल्लेख्यनीय उपस्थिति रहेको थियो।

नेपाली र अमेरीकी राष्ट्रीय गान एवं स्व. कोईरालाको फोटोमा पुष्प अर्पण तथा दीप प्रज्वलन गरी कार्यक्रम औपचारिकरुपमा शुरूवात गरिएको थियो। तिव्वती आशीष गान गाएर कार्यक्रमलाई थप रौनकता दिईएको थियो।कार्यक्रममा आगन्तुकहरूलाई स्वागत गर्दै संस्थाका केन्द्रीय सदस्य श्री रामचन्द्र अधिकारीले स्व. कोईरालाको परिचय एवं संक्षीप्त राजनैतिक संघर्ष र नेपालमा शान्ती, प्रजातन्त्र र विकासमा वहाँको योगदान वारे प्रष्ट्याउनुभएको थियो। यसैगरी डा. गोविन्द कोईरालाले स्वर्गीय गीरीजा प्रशाद कोईरलाको योगदान र विचारवारे प्रष्टपार्नुभयो।कार्यक्रममा प्रमुख अतिथीको रूपमा क्वीन्सवोरो प्रेसीडेन्टको कार्यलयका कम्युनिटी डाइरेक्टर डा.महम्मद हकले शुभकामना दिंदै स्व. कोईराला साँच्चीकै महान प्रजातन्त्रवादी नेता भएको र वहाँको वाटोमा सबैले हिँडनसक्नुपर्ने बताएका थिए ।यस्तै वरीष्ठ समाजसेवी मुह्म्मद रसीदले स्व. कोईरालाको व्क्तीत्व र योगदानको सारा विश्वले कदर गरेको धारणा व्यक्त गरेका थिए ।

संस्थाका अध्यक्ष सोमनाथ घिमिरेले कार्यक्रमको महत्व र औचित्यवारे बताएका थिए । गीरीजा प्रसाद कोइराला फाउण्डेसन अमेरीकाले यति छोटो समयमै समाज प्रति अतुलनीय कार्य गर्दै अाएको ले न्यु-यार्क क्वीन्स वोरोकी प्रेसीडेन्ट मेलिन्दा काट्जले गीरीजा प्रशाद कोईरलाले नेपालि समाज र नेपाल प्रति गरेको योगदान नै एउटा उधारणीय कार्य भएको भन्दै फाउण्डेसनलाई कदरपत्रले सम्मान गरेकी थिईन।
अन्त्यमा फाउन्डेशनकी कोषाध्यक्ष वृन्दा राईले धन्यवाद मन्तव्य राखी कार्यक्रमको समापन गरीएको थियो।

फेसबुकबाट तपाईको प्रतिक्रिया

सम्बन्धित समाचार