समाचार

क्यानडा स्थित एक होटलमा कार्बन मोनोअक्साईड लिक हुँदा ४६ घाईते

क्यानडा स्थित एक होटलमा कार्बन मोनोअक्साईड ग्यांस लिक हुँदा ४६ जना असक्त भै अस्पताल भर्ना गरिएको छ जस मध्ये १५ जनाको अवस्था चिन्ता जनक छ । ५२ जना मानिस र एउटा कुकुर रहेको अवस्थामा क्यानडाको विनिगेप स्थित सुपर ८ होटलमा स्थानिय समय बिहान सवा दशबजे कार्बन मोनोअक्साईड लिक हुँदा फायर अलार्म बजेको थियो । कार्बन मोनोअक्साईड अकस्मात फैलिए पछी होटल भित्र रहेका मानिस तथा कुकुर अस्वस्थ हुन पुगेका हुँन् ।

मोनिटोवा हाईड्रोले होटलमा आपुर्ती गरेको कार्बन मोनोअक्साईडको लाईन तत्काल बन्द गरेको थियो । सामान्यतया घरमा प्रयोग हुने बोईलर सेन्ट्रल हिटिङ् वाटर हिटर ग्यांसबाट बल्ने आगोमा कार्बन मोनोअक्साईड हुने गर्दछ । जब घर भित्र कार्बन मोनोअक्साईडको मात्रा बढ्न पुग्दछ तब शरीरमा भएका रक्त कोशीकाहरुले अक्सिजनको बदलामा कार्बन मोनोअक्साईड लिन पुग्दछ मानिस त्यस पछी मानिस तत्काल अस्वस्थ हुन पुग्दछ । कहिले काँही शरीरका तन्तुहरुमा घात पुग्दा मृत्‍यु समेत हुने गर्दछ ।
श्रोत : द स्टार डट कम