समाचार

भागेका थुनुवा फेरी पक्राउ

काठमाडौं । महानगरीय प्रहरी प्रभाग भैंसेपाटीको हिरासतबाट फरार तीन थुनुवामध्ये २ जना पुनः पक्राउ परेका छन् । उनीहरु मंगलबार हिरासतको ग्रिल उप्काएर भागेको प्रहरीले बताएको थियो ।

लागु औषध कारोबार र चोरीको आरोपमा पक्राउ परेका थिए । अभियुक्त रुद्रलाल श्रेष्ठ, समशेर माझी र रवीकुमार तिमल्सिना हिरासतबाट भागेका थिए । भागेका मध्ये रुद्रलाल श्रेष्ठ, समशेर माझी पक्राउ परेका हुन् ।

तिमल्सिना अझै फरार छन् । महानगरीय प्रहरी परिसर ललितपुरका अनुसार हिरासतबाटै अभियुक्त भागेपछि छानबिन गर्न टोली गठन गरिएको छ ।