14-Dec-2019 | २८ मंसिर २०७६, शनिबार

राष्ट्रपती ट्रम्पले आफ्नो ट्विटरमा बिरोधिलाई ब्लक गरेपछी उनलाई त्यसो नगर्न अदालतको आदेश

२५ असार २०७६, बुधबार ०   बिचार / प्रतिक्रिया


मंगलवार फेडरल अपिल कोर्टले राष्ट्रपति डोनाल्ड ट्रम्पले अब आफ्नो सामाजिक संजालका एकाउन्टमा उनका आलोचकहरुलाई रोक्न (ब्लक ) गर्न नपाउने आदेश गरेको छ । ट्विटरमा निकै सकृय राष्ट्रपति ट्रम्पले सर्बसाधारणसँग संपर्कका लागि उनले प्रयोग गर्ने ट्विटरमा कटु आलोचकहरुलाई ब्लक गरेर संबिधानको पहिलो संसोधन बिरुद्ध कार्य गरेको भन्दै यस्तो आदेश गरिएको हो । यु एस कोर्ट अफ अपिलको सेकेन्ड सर्किटका न्यायाधिश बरिङ्टन पार्करले मुद्धाको सुनुवाई गर्दै घोषणामा लेखेका छँन् “संबिधानको पहिलो संसोधनले कुनै पनि सरकारी अधिकारीले फरक मत राख्नेहरुलाई बाहिर राख्नु भनेको संबिधानको पहिलो संसोधनको उलंघन गर्नु हो । नागरिकको वाक स्वतन्त्रता हनन गर्नु हो । “राष्ट्रपती ट्रम्पले ट्विटरमा अब कसैलाई पनि रोक्न (ब्लक) नमिल्ने र यस अगाडि ब्लक गरिएकालाई पनि खुलाउनु पर्ने आदेश भएको छ ।

राष्ट्रपति ट्रम्पको रियल डोनाल्ड ट्रम्प (@realDonaldTrump) नामक ट्विटर् एकाउन्टमा फरक राजनीतिक बिचारका कमेन्ट गर्नेहरुलाई उनले ब्लक गरेपछी त्यसका बिरुद्ध ७ जनाको समुहद्वारा सन २०१७ मा मुद्दा परेको थियो । कतिपय आलोचकले ट्रम्पले उनिहरुलाई ट्विटरमा ब्लक गरेपछी आफ्नो पेजमा ब्लक गरेको फोटो सहित पोष्ट गर्ने गरेका छन् । राष्ट्रपतिले लेखक स्टेफन कीङ्, मोडल क्रिसि टेगन, नायिका रोजी डोनल, संचारकर्मी लौरेन वोल्फ लगायत थुप्रै चर्चित अनुहारलाई समेत ट्विटरमा ब्लक गर्दै आएका छन् ।

श्रोत : न्यूयोर्क टाईम्स

Loading...

फेसबुकबाट तपाईको प्रतिक्रिया

सम्बन्धित समाचार