Epapers :

18-Jul-2019 | २ साउन २०७६, बिहिबार

साउदी अरेबियामा अब महिलाले विदेश जान र राहदानी लिन पुरुषको सिफारिस लिनु नपर्ने

२७ असार २०७६, शुक्रबार ०   बिचार / प्रतिक्रिया


साउदी महिलाहरुले जिवनमा पहिलो पटक आफ्नो पतिको स्विकृती बिना विदेश भ्रमणमा जान पाउने कानून पास भएको छ । यसभन्दा अगाडी साउदी अरेबियन जुन सुकै उमेरका महिलाले विदेश भ्रमणमा जाँदा होस् वा राहदानी लिंदा नजिकका पुरुष नातेदारको स्विकृती लिनै पर्ने कानूनी ब्यवस्था रहदै आएको छ । अभिभावकत्व सम्बन्धि नयाँ ब्यबस्था भने यसै वर्षदेखि तत्काल लागू हुने बताईएको छ । परिमार्जित कानूनको नयाँ ब्यवस्थाले साउदी अरेबियामा महिलाले आफैले गाडी चलाएर हिड्न पाउने ब्यवस्था पनि हालसालै गरेको थियो । त्यही सुधार अन्तर्गत महिलाहरुले देश छोड्दा अब नजिकका पुरुष नातेदारको स्विकृती लिनु नपर्ने ब्यबस्था गरेको हो । यस अगाडी महिलालाई विदेश भ्रमण गर्न स्वीकृति दिने या नदिने भनेर एउटा सरकारी एप प्रयोग गरेर पुरुषहरुले राय दिदै आएका थिए । यो नयाँ सुधार पछि त्यो एप खारेज हुनेछ । यद्यपी बिबाह गर्नको लागि भने अझै पनि पुरुष अभिभावकको स्विकृती लिनु पर्ने छ ।

पछिल्लो समय देश छोडेर भाग्ने र राज्यको कानूनका कारण पुरुष नातेदारको दास बनेर जीवन जिउनु परेको आरोप सहित बिदेशी भूमीमा शरण लिने क्रम बढेपछि अभिभावकत्व सम्बन्धि नियममा परिवर्तन गरिएको हो ।

एजेन्सी

फेसबुकबाट तपाईको प्रतिक्रिया

सम्बन्धित समाचार