काठमाडौं । अख्तियार दुरुपयोग अनुसन्धान आयोगले १ लाख घुससहित ४ जना प्रहरीलाई पक्राउ गरेको छ ।

राजधानीको सामाखुसीस्थित एक मिठाई पसलबाट उनीहरुलाई पक्राउ गरिएको आयोगले जानकारी दिएको छ । उनीहरुलाई रंगेहात पक्राउ गरिएको बताइएको छ ।

घुस लेनदेनको गोप्य सूचना पाएपछि अख्तियारको टोली मिठाई पसलमा पुगेको थियो । तर, पक्राउ पर्ने प्रहरीको नाम भने खुलाइएको छैन ।

पक्राउ पर्नेमा तीन जना ट्राफिक प्रहरी र एक जनपद प्रहरी रहेका छन् । बीमा रकमको दावि गर्न सवारी दूर्घटनाको प्रमाणित कागजात प्रहरीले बनाउनु पर्छ ।

उनीहरु सोही कागजात बनाउने क्रममा घुस लेनदेन गरिरहेको अवस्थामा पक्राउ परेका हुन् ।