Epapers :

21-Sep-2019 | ४ आश्विन २०७६, शनिबार

४२ बर्ष पछि बिद्युत आपूर्ति बन्द हुँदा न्युयोर्कमा अन्धकार र हाहाकार

२९ असार २०७६, आईतवार ०   बिचार / प्रतिक्रिया


न्युयोर्क
संसार कै ब्यस्त मध्येको एक न्यूयोर्क स्थित म्यानह्याटन शहरमा शनिबार साँझ बिद्युत अबरुद्ध हुँदा पर्यटकीय क्षेत्र टाईम्स स्क्वायर रेष्टुरेण्ट क्षेत्र र हेल्स किचेन लगायतको ठुलो हिस्सामा अन्धकार हुन पुगेको छ । झण्डै ९० डिग्री तापक्रमले तातिएको न्युयोर्कमा एकाएक बिद्युत अबरुद्ध हुँदा जमिन मुनीबाट चल्ने रेल सेवा अबरुद्ध हुन पुगेको छ भने अग्ला भवनका एलिभेटरहरु बन्द हुँदा हजारौं मानिसलाई आफ्नो अपार्टेमेण्टसम्म हिंडेर उक्लिन अप्ठेरो परेको छ ।बिद्युत आपूर्ती बन्द भएको क्षेत्रका सडक बत्तीले काम गरेका छैनन् । बिद्युत आपूर्ती गर्दै आएको संस्था कन एडिसनले ४४ हजार ग्राहक संख्या प्रभाबित भएको प्रतिकृया दिएको छ । ट्रान्स्फर्मरमा आगो लाग्दा बिद्युत सेवामा समस्या आएको कन एडिसनले बताएको छ भने बेलुकी ११ बजेसम्म बिद्युत आपूर्ती सामान्य हुने अनुमान छ ।

न्यूयोर्क फायर डिपार्टमेण्टले ५ औं एभिन्यु पश्चिम ७२ स्ट्रिटदेखि ४० स्ट्रिटसम्मका बासिन्दाहरुबाट लगातार फोन आएको बताएको छ । थुप्रै मानिस एलिभेटरमा अड्किएको खबर समेत प्राप्त भएको छ । यस् अगाडि संन् १९७७ मा पनि जुलाई १३ कै दिन न्युयोर्कमा बिद्युत आपूर्ति बन्द भएको थियो ।

फेसबुकबाट तपाईको प्रतिक्रिया

सम्बन्धित समाचार