समाचार

कोशी ब्यारेजका सबै ढोका खुला

काठमाडौं । सप्तकोशी नदीमा जलस्तर अधिक भएपछि कोशी ब्यारेजका सबै (५६ वटा) ढोका खोलिएको छ ।

आइतबार बिहानदेखि सबै ढोका खोलेर जल प्रवाहको व्यवस्था मिलाइएको ब्यारेज प्रहरी चौकी कार्यालयले जानकारी दिएो छ ।

सम्भावित जोखिम कम गर्न सबै ढोका खोलिएको कार्यालयको भनाई छ । एक दशक अगाडी पश्चिम कुशहामा बाँध फुटेपछि नेपाल र भारत दुबै देशमा ठूलो क्षति भएको थियो ।

त्यसयता कोशीमा विशेष ध्यान दिन थालिएको छ । कोशी ब्यारेजमा नौ लाख क्यूसेक पानी बहन क्षमता रहेको छ ।

जल तथा मौसम विज्ञान विभागका अनुसार कोशीमा जलस्तर बढ्ने क्रम भने अझै पनि जारी रहेको छ ।

नेपालमा बिहीबार देखि पानी पर्न थालेको हो । देशका लगभग सबै भेग समेट्ने गरी आएको पानीले ठूलो मानवीय क्षति गरिसकेको छ ।