Epapers :

21-Aug-2019 | ४ भाद्र २०७६, बुधबार

ठगि आरोपमा नेपालीलाई जेल चलान

३० असार २०७६, सोमबार ०   बिचार / प्रतिक्रिया


अमेरिकी आदालतले ठगी आरोपमा एक नेपालीलाई जेल चलान गर्ने फैसला गरेको छ । अमेरिकामा रहेका नेपालीलाई नै ठगी गरेको पुष्टी भएपछि अमेरिकी जिल्ला अदालत उत्तर क्यालिर्फोर्नियाले किशोर चौधरीलाई एक बर्ष एक दिन काराबास सजाय तोकेको हो ।उनले ९ जना नेपालीबाट २ लाख ६ हजार डलर ठगी गरेको पुष्टि भएपछि जेल जानु परेको हो ।जेल जादैंमा उनले तिर्ने रकम मिनाहा भने हुने छैन । उनले जेलमा रह“दा प्रत्येक तिन महिनामा कम्तीमा २५ डलर रुपैंया तिर्नुपर्ने छ । जेलबाट छुटेपछि उनले महिनाको ३ सय डलर वा आफ्नो कमाईको १० प्रतिशत अपराधी नियन्त्रण आर्थिक बिभागलाई बुझाउनुपर्ने छ । त्यहि सरकारी संस्थाले पिडीतलाई थोरै थोरै मात्रामा रकम फिर्ता गरिदिनेछ । चौधरीले जुलाई ९ मा क्यालिफोर्नियामा रहेको कारागारमा उपस्थित हुन आदेश दिएको थियो । तर चौधरीले अदालतसंग घरायसी ब्यवस्था मिलाउनुपर्ने भन्दै केहि समय मागेपछि अदालतले उनलाई केहि समयपछि मात्र कारागार जाने आदेश दिएको छ ।

फेसबुकबाट तपाईको प्रतिक्रिया

सम्बन्धित समाचार