बेइजिङ । शक्तिशाली मुलुकहरुसँगको व्यापार युद्धको असर चिनियाँ आर्थिक वृद्धिमा देखिन थालेको छ ।
अन्तराष्ट्रिय सञ्चारमाध्यमहरुका अनुसार चीनको आर्थिक वृद्धि चालू आर्थिक वर्षको दोस्रो चौमासिकमा पछिल्लो तीन दशक यताकै कम दरमा पुगेको छ ।
चीन सरकारले सार्वजनिक गरेको तथ्यांकलाई उदृत गर्दैसंचारमाध्यमले अमेरिका–चीन व्यापार युद्ध र विश्वभर आइरहेको आर्थिक मन्दिको असर चिनियाँ अर्थतन्त्रमा देखिएको उल्लेख गरेका छन् ।
चीनको नेशनल तथ्यांक ब्यूरोका अनुसार समिक्षा अवधिमा कूल गार्हस्थ्य उत्पादन वृद्धि ६.२ प्रतिशतमा झरेको छ । पहिलो चौमासिकमा ६.४ प्रतिशतको आर्थिक वृद्धिदर थियो ।
चीनले सन् २०१८ मा ६.६ प्रतिशतको आर्थिक वृद्धि गरेको थियो ।
