काठमाडौं । प्रहरीले हतियारसहित राजधानीबाट आइतबार तीन जनालाई पक्राउ गरेको छ । अपराध महाशाखा टेकुबाट खटिएको प्रहरी टोलीले उनीहरुलाई नयाँ बसपार्कस्थित तारा गेष्टहाउसबाट पक्राउ गरेको हो ।
उनीहरुले गेष्ट हाउसमा बसेर लुटपाटको योजना बनाएको सुराक प्रहरी समक्ष पुगेको थियो । पक्राउ पर्नेमा झापाका स्थायी बासिन्दा अहिले
काठमाडौं टोखा बस्ने ३६ वर्षिय सबिन खवास, नुवाकोटका ३७ वर्षिय राम कुमार राई र नुवाकोटका २७ वर्षिय प्रितम राई रहेको प्रहरीले जानकारी दिएको छ ।
उनीहरुको साथबाट एक थान पिस्तोल र गोलीसमेत बरामद भएको प्रहरीले बताएको छ ।
