स्वास्थ्य

बाढी-पहिरो पिडितलाई कांग्रेसका सांसदको ५ दिनको तलव

काठमाडौं । प्रमुख प्रतिपक्षी नेपाली कांग्रेसका सांसदको ५ दिनको तलव बाढीपहिरो तथा डुबानपीडितलाई प्रदान गरिने भएको छ ।

कांग्रेस प्रवक्ता विश्वप्रकाश शर्माले स‌ंघीय सांसदले ५ दिनको तलब दिने निर्णय भएको जानकारी गराएका हुन् ।

संघीय संसदका सांसदले मासिक ५५ हजार २ सय ३० रुपैयाँ तलब बुझ्छन् । कांग्रेसको तर्फबाट प्रतिनिधि सभामा ६३ र राष्ट्रिय सभामा १३ सांसद छन् ।

कांग्रेसले सोमबार बाढीपीडितका सम्बन्धमा छलफल आह्वानको माग गर्दै संसदको नियमित प्रक्रिया रोक्न सार्वजनिक महत्वको प्रस्ताव दर्ता गराएको छ ।

तर प्रस्ताव भने अस्वीकार भयो । उता, कांग्रेस सभापति शेर बहादुर देउवाले उद्धार र राहतमा जुटन कांग्रेस कार्यक्रतालाई निर्देशन दिएका छन् । उनले सरकारी कामको अनुमगन गर्न समेत कार्यक्रतासँग आग्रह गरेका छन् ।