लण्डन । बेलायतको लण्डनमा विभिन्न १८ रुटमा चल्ने सार्वजनिक बसमा नेपाल चम्कन शुरु गरेको छ ।

नेपाल पर्यटन बोर्ड र बेलायतस्थित नेपाली दूतावासको पहलमा ६० वटा बसमा नेपाल प्रवद्र्धन हुने पोस्टर राखी प्रवद्र्धन शुरु भएको बोर्डले जानकारी दिएको छ ।

सन् २०२० का लागि सरकारले घोषणा गरेको नेपाल भ्रमण वर्ष २०२० नजिकियसँगै विदेशमा नेपाल प्रवद्र्धनको अभियानले गति लिएको बोर्डको भनाई छ ।

बेलायत यूरोपेली मुलुकबाट सबैभन्दा बढी पर्यटक आउने देशमध्ये एक हो । पछिल्लो ६ महिनामा मात्र यस मुलुकबाट करीव २९ हजार पर्यटकले नेपाल भ्रमण गरेका छन् ।

लण्डनका पार्लामेन्ट स्क्वायर, वेस्टमिनिस्टर, तारफालगार स्क्वायर, किङस्टन हाइ स्ट्रिट, अक्सफोर्ड स्ट्रिटलगायत रुटमा चल्ने सार्वजनिक बसमा नेपालको प्रवद्र्धन हुने गरी पोस्टर राखिएको छ ।

यो अभियान ३ सातासम्म चल्ने भएको छ । यस अभियानबाट ४५ लाख मानिससम्म नेपालको प्रचार सामग्री पुग्ने अपेक्षा बोर्डको छ ।