नयाँ दिल्ली ।

लोक सभाकाको ५४३ सदश्यको लागि भारतमा यो बर्ष निर्वाचन सम्पन्न हुदै छ । भारतको यो बर्षको निर्वाचन भारतीय ईतिहासमा सबै भन्दा खर्चिलो हुने अनुमान बिज्ञहरुले गरेका छन् ।निर्वाचन आयोगले निकट भबिस्यमा निर्वाचन कार्यक्रम सार्बजनिक गर्दै छ । एक ढंगले मतदातालाई आफुतिर आकर्षित गर्ने क्रम सुरु भै सकेको छ । बितेका केहि दिन भित्र भारतीय राजनीतिका दुई हस्ती प्रधानमन्त्रि नरेन्द्र मोदी र बिपक्षी दल कांग्रेस आईका नेता राहुल गांधीले अलि फरक प्रकारका धार्मिक यात्रा गरेका छन् ।

प्रधानमन्त्री नरेन्द्र मोदीले उत्तरप्रदेश स्थित कुम्भ मेलामा लुगा लगाएरै डुबुल्की मार्दै स्नांन गरेका छन् । गत आईतबार करोडौ भक्तालुले भरिएको प्रयागराज स्थित कुम्भ मेलामा गंगा नदिको संगम घाट गई मोदीले डुबुल्की मार्दै स्नांन गरेका हुन् । मोदीले स्नांन पछि आरति समेत गरेका थिए भने कुम्भ मेलाका लागि सरसफाईको काम गर्ने कर्मचारीहरुको खुट्टा धोएका थिए । २० ,२२ करोड भक्तालुको घुँईचो लाग्ने कुम्भ मेलाको पुरा क्षेत्रलाई सफा राख्नु सानो कुरा होईन भन्दै प्रधानमन्त्री मोदीले ति कर्मचारीहरुको खुट्टा धोएर सेतो कपडाले पुछेर सफा गर्दै उनीहरुलाई सम्मान गरेका हुन् ।

उता गत २२ तारिक शुक्रबार बिपक्षी दल कांग्रेस आईका अध्यक्ष राहुल गांधी १० किलोमिटर पैदल हिंडेर आन्ध्र प्रदेश स्थित एक मन्दिर दर्शन गर्न पुगे । आन्ध्र प्रदेश स्थित तिरुपतिको पहाडमा अबस्थित बैंकटेस्वर मन्दिरमा पैदल हिडेर अध्यक्ष गांधीले दर्शन गरेका थिए । उनि लगातार २ घण्टा हिंडेर बैंकटेस्वर मन्दिर पुगेका हुन् । राहुल गांधीको मन्दिर दर्शनको लागि १० किलोमिटरको बाटो र मन्दिर क्षेत्रमा ब्यापक सुरक्षा ब्यबस्था गरिएको भारतीय संचार माध्यमले जनाएका छन्