धनगढी । धनगढी उपमहानगरपालिमा बिहीबार साँझ बम विस्फोट भएको छ । कैलाली शहीद गेट नजिकै एक होटल अगाडि बिहीबार शक्तिशाली बम विष्फोट भएको कैलाली प्रहरीले पुष्टी गरेको छ ।
विष्फोटमा परी ५ जना घाइते भएका छन् । विस्फोटमा परी घाइतेमध्ये दुई जनाको अवस्था गम्भिर रहेको प्रहरीको भनाई छ ।
घाइते हुनेमा बझाङका राम सिंह, कञ्चनपुरको बेलौरी–५ का लक्ष्मण सेरला, मोबिन खान, जितेन्द्र यादव र धनगढी–४, बोराडाडीका केशवराज पाण्डे रहेको प्रहरीले बताएको छ ।
स्थानीय निलम होटल अगाडि विस्फोट भएको हो । पाण्डे उक्त होटलका सञ्चालक रहेको प्रहरीले उल्लेख गरेको छ ।
घाइतेको स्थानीय मेट्रो अस्पतालमा उपचार भइरहेको छ । घटनाका सम्बन्धमा अनुसन्धान भइरहेको प्रहरीको भनाई छ ।
कसले र किन विस्फोट गराएको भन्नेबारे केही खुलेको छैन ।
