समाचार

धनगढी विस्फोटमा विप्लव कार्यकर्ताको संलग्नता, १ जनाको निधन

फाइल तस्वीर

धनगढी । धनगढीमा बिहीबार साँझ भएको बम विस्फोटमा विप्लव समूहको संलग्नताको आंशका प्रहरीले गरेको छ ।

विस्फोटमा परी गम्भीर घाइते बझाङका रवी सिंहको बिहीबार राती निधन भएको छ । प्रहरीका अनुसार उनी विप्लव समूहका कार्यकर्ता हुन ।

उनी स्वयमःले टीफीन बक्समा बोकेको विस्फोटक पदार्थ विस्फोट भएको थिया । घटनामा अन्य ४ जना घाइते छन् ।

उनीहरुको स्थानीय अस्पतालमै उपचारइ भइरहेको प्रहरीले जानकारी दिएको छ । घटनास्थलबाट प्रहरीले पेस्टोल पनि फेला पारेको छ ।

धनगढी उपमहानगरपालिका–४, शहीद गेटस्थित नीलम होटलमा बिहीबार बम विस्फोट भएको थियो ।

प्रत्यक्षदर्शीहरुका अनुसार सिंहले बोकेको वस्तु विस्फोट भएको थियो । उनी होटेल भित्र छिरेर बस्नासाथ ठूलो आवाजसहित बम विस्फोट भएको थियो । सिंहको कम्मर मुनीको भागमा निकै ठूलो चोट लागेको थियो ।

पछिल्लो समय विप्लव समूहका कार्यक्रता आफैले बोकेको बम पड्किएर धमाधम मारिरहेका छन् । यसबाट उक्त समूहको आलोकाँचो हिंश्रक राजनीति ढलमलाउन लागेको संकेत गरेको छ ।