विश्वन्यूज / न्यूयोर्क

उस्तै राजनीतिक ब्यवस्थाको प्रयोग गरी रहेको संघीय गणतन्त्र नेपालमा “राष्ट्रपतिले डेढ अरबको हेलिकप्टर चढेर हिड्छिन” भन्ने शब्द राखेर गीत बनाएको कारण लाखौं जनताको मुख मुखमा झुण्डिएको गायक पशुपति शर्माको गीत नै प्रतिबन्धित भयो । तर त्यस्तै प्रकारको राजनैतिक ब्यवस्था रहेको अमेरिकामा भने राष्ट्रपतिको तस्बिर भएको ट्वाइलेट पेपर नै खुल्ला रुपमा बिक्रि बितरण गरिन्छ साथै प्रयोग पनि गरिन्छ भन्दा धेरै नेपालीलाई बिश्वास नलाग्न सक्छ। तर यो सत्य हो । ईकोनेक, रिचबुम र मिन्च १ नामक कम्पनीद्वारा निर्मित डोनाल्ड ट्रम्पको रंगिन र श्याम स्वेत तस्बिर भएको ट्वाईलेट पेपर एमेजोन, ईबेले बिक्रीवितरण गर्दै आएका छन् । तिन तह भएको नरम ट्वाईलेट पेपरमा बर्तमान राष्ट्रपतिको २०० प्रत्येक टुक्रामा पुर्ण अनुहार देखिने तस्बिर राखिएको छ। ट्वाईलेट पेपरमा ट्रम्पको तस्बिर श्याम स्वेत र रंगिन दुवैमा बिक्रि गरिंदै आएको छ ।ट्वाईलेट पेपर मात्र होईन कतिपय कम्पनीले त शौचालय प्रयोग गरेपछि भएको फोहोर सफा गर्ने ब्रसमा समेत बर्तमान राष्ट्रपतिको मुर्ति नै राखेर बिक्रि गर्दै आएका छन् । ती कम्पनीहरुले राष्ट्रपति ट्रंपको मात्र होईन पूर्व राष्ट्रपतिहरुको समेत फोटो प्रयोग गरेर ट्वाईलेट पेपर निर्माण गर्दछन र बिक्रि गर्दै आएका छन् ।अझै “ईट्से” नामक एक अनलाईनले त ट्वाइलेट प्यान छोप्ने लिडमा नै ट्रम्पको तस्बिर राखेर बिक्रि गर्दै आएको छ । त्यस्तै इबेले प्यानको सिट वालमा टाँस्ने स्टिकर, टिस्यु बक्स बिक्रि गर्दै आएको छ ।

अमेरिकामा राष्ट्रपति लगायत थुप्रै चर्चित मानिसहरुको तस्बिर राखेर जुत्ता, मोजा, अन्डरवेर, पेन्टी लगायतका अण्डर गार्मेण्ट्स तथा हाफ प्यान्ट लागायतका सामग्री बिक्रि वितरण गर्दै आएका छन् । जुन अमेरिकामा गैह्र कानूनी मानिदैन ।