काठमाडौं । नेपाली कांग्रेसले आफ्ना दुई दर्जन स्थानीय नेता तथा कार्यकर्तालाई पार्टीबाट निष्कासन गरेको छ ।
पार्टीको अनुशासन कमितिले २३ जना स्थानीय नेता तथा कार्यकर्तालाई कारबाही गरेको कांग्रेसले उल्लेख गरेको छ ।
सोलुखुम्बुमा २०, रौतहटमा २ र दैलेखमा १ जनालाई पार्टीबाट निष्कासन भएका छन् ।
स्थानीय तहको निर्वाचनमा बागी उम्मेदवार, प्रस्तावक र समर्थक भई पार्टी अनुशासनविपरीत काम गरेका नेता तथा कार्यकर्ता कारवाहीमा परेको पार्टीले उल्लेख गरेको छ ।
कारबाहीमा परेकाहरुको नामावली पार्टी सदस्यको अभिलेखबाट हटाउनका लागि निर्देशन दिइएको काग्रेसले उल्लेख गरेको छ ।
यसअघि पनि कांग्रेसले पार्टीलाई असहयोग गरेका दर्जनौं नेता कार्यकर्तालाई पार्टीबाट हटाइसकेको छ ।
