समाचार

काठमाडौं माग्ने मुक्त बन्ला ?

काठमाडौं । स्वर्गीय संस्कृति, पर्यटन तथा नागरिक उड्डयन मन्त्री रवीन्द्र अधिकारीले पशुपतिनाथ क्षेत्रबाट माग्नेहरुलाई हटाउने निर्णय गरी उक्त क्षेत्रलाई माग्ने निषेध गरेका थिए ।

अहिले पशुपतिनाथ पुग्ने यात्रु तथा पर्यटक माग्नेको झम्टाईमा पर्नु पर्दैन । त्यसो त सरकारको नेतृत्व गरेका स्वयमः प्रधानमन्त्रीले नेपाललाई नै माग्ने मुक्त बनाउने घोषणा गरेका थिए ।

त्यसमा पनि प्राथमिकता काठमाडौं उपत्यका थियो । तर, काठमाडौंको खुला सडकमा भीख माग्न बसेका मानिस पर्याप्त भेटिन्छन् ।

यस्तै मेसोमा अब काठमाडौं महानगरपालिकाले पर्यटकीय क्षेत्रलाई माग्ने मुक्त बनाउने योजना बनाएको छ ।

नेपाल पर्यटन वर्ष २०२० लाई लक्षित गरी सडक र विश्व सम्पदा सूचीमा रहेका क्षेत्रमा माग्नेलाई हटाउने योजना काठमाडौं महानगरपालिकालले हटाउने भएको छ।

काठमाडौं महानगरपालिकालाई माग्ने मुक्त बनाउने कार्य शुरु नै भइसकेको महागरको भनाई छ ।

खासगरी पर्यटकीय क्षेत्रमा माग्नेले पर्यटकलाई झम्टने र केही नदिएसम्म नछाड्ने प्रवृत्तिका कारण नेपालको नकारात्मक प्रचार हुने गरेको छ ।

नेपालमा अधिकांश मानिसले मागेर खानु नपरे पनि केही मानिसलाई व्यवस्थापन गर्न नसक्दा समग्र देशकै बेइज्यत भइरहेको छ ।

नेपालमा माग्न बस्ने अधिकांश भारतीय नागरिक हुने महानगर स्रोतको भनाई छ ।

पहिलो चरणमा स्वयम्भु क्षेत्रबाट माग्न बसेका बालबालिका र वृद्धलाई हटाउन थालिएको महानगरले बताएको छ ।

वृद्धलाई मानव आश्रम सेवा समिति र बालबालिकालाई बालबालिका सुधार केन्द्रमा लगिने बताइएको छ ।