29-Jan-2020 | १५ माघ २०७६, बुधबार

छवि र शिल्पाविरुद्ध पक्राउ पूर्जी जारी

८ श्रावण २०७६, बुधबार ०   बिचार / प्रतिक्रिया


काठमाडौं । बहुविवाहको मुद्दामा फिल्म निर्देशक छविराज ओझा र उनकी कान्छी पत्नी शिल्पा पोखरेलविरुद्ध पक्राउ पूर्जी जारी भएको छ ।

अदालतबाट पक्राउ पूर्जी जारी भएकाले उनीहरु अब प्रहरीको खोजीमा रहेको महानगरीय प्रहरी प्रभाग काठमाडौंले जानकारी दिएको छ ।

नेपाल प्रहरीको महिला सेलमा बहुविवाहको उजुरी परेको थियो । त्यसपछि जिल्ला अदालत काठमाडौंले निर्देशक ओझा र पोखरेललाई पक्राउ गर्न प्रहरीलाई पुर्जी जारी गरेको हो ।

ओझाकी जेठी श्रीमती हेमा ओझाले उनीविरुद्ध प्रहरीमा बहुविवाहको उजुरी दिएकी थिइन्। हेमा र वर्तमान श्रीमति पोखरेलसहित ओझाले चार श्रीमती भित्राइसकेका छन् ।

चर्चित नायीका रेखा थापा समेत ओझाकी पूर्वश्रीमती हुन् । आफूभन्दा करीव २६ वर्ष जेठा ओझासँग पोखरेलले बिवाह गरेकी थिइन् । तर, केही दिन अगाडी यी दुईको घरझगडा सार्वजनिक भएको थियो ।

पोखरेलले शिल्पालाई दुर्व्यवहार गरेको उजुरी प्रहरीमा परेपछि उनीहरु अहिले सामाजिक सञ्चालदेखि सञ्चारमाध्यममा छाइरहेका छन् । अधिकांशले यी दुबैको कडा आलोचना गरिरहेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार