उत्तर कोरियाी ध्वजाबाहक विमान कम्पनी एयर कोर्योले आफ्नो चौथो गन्तब्य मकाउमा उडान गर्ने भएको छ ।

मकाउको नागरिक उड्डयन प्राधिकरणले उत्तर कोरियाली कम्पनीलाई आफ्नो मुलुकमा उडानको अनुमति दिएको अन्तरराष्टिय संचारमाध्यमले उल्लेख गरेका छन् ।

आगामी साता प्योङयाङ-मकाउ सिधा हवाई संजालमा जोडिने निश्चित भएको हो ।

मकाउले करीव १५ वर्ष पछि उत्तर कोरियाली जहाजलाई आफ्नो मुलुकमा प्रवेशको अनुमति दिएको हो ।

उत्तर कोरियाले परमाणु कार्यक्रम बढाउँदै जाँदा उ माथि धेरै मुलुकले निषेध गर्दै आएका थिए ।

त्यहाको ध्वजाबाहक वायुसेवाले अहिले चीनको चीनको बेइजिङ र शेनयाङ तथा रुसको भ्लाडिभोस्तकमा मात्र उडान गरिरहेको छ।

मकाउ नागरिक उड्डयनका अनुसार २ अगष्ट २ बाट यी दुई शहर सिधा हवाई सम्पर्कका माध्यमबाट जोडिनेछन् ।

मकाउ एसियाको सबैभन्दा आकर्षक पर्यटकीय गन्तब्य हो । क्यासिनोका लागि प्रख्यात यस गन्तब्यमा हरेक दिन १ लाखभन्दा बढी पर्यटक पुग्ने तथ्यांक रहेको छ ।

यी दुई शहरबीच सन् १९९६ देखि २००४ सम्म नियमित हवाई उडान भएको थियो ।

मकाउलाई एसियाको लस भेगासका रुपमा पनि चिनिन्छ ।

यहाँका अधिकांश होटेल यूरोपेली शहरका नामबाट राखिएको छ ।

यहाँ विदेशी लगानीलाई निकै महत्व दिइएका कारण यूरोप र अमेरिकी धनाढ्यले होटेलमा ठूलो लगानी गरेका छन् ।

एजेन्सी