पछिल्लो समय प्रबिधिका कारण बदलिएको विश्वमा प्रबिधिले मानिसको जिवनमा यति धेरै परिवर्तन ल्यायो कि मानिसको जिवनशैली नै अर्कै बनायो । यो त भयो प्रबिधि प्रयोग गरेर जीवनशैली जिउनेका कुरा । त्यही प्रबिधिलाई सही समयमा सही तरिकाले उपयोग गरी सर्वसाधारण माझ पुग्नेहरुले विश्वास नै नलाग्ने गरी थोरै समयमा धेरै पैसा पनि आर्जन गरेका छन् ।कतिपय मानिस रातारात जिरोबाट हिरो मात्र बनेका छैनन् करोड र अरवपति नै बनेका छन् । कोरियामा एउटा त्यस्तै नपत्याऊदो घटना भएको छ । ६ बर्षकी उमेर कस्तो हुन्छ ? त्यो उमेरमा बाल बच्चाहरु चकचक गर्ने खाने, खेल्ने र चित्त नबुझे रुने कराउने गर्दछन्।तर दक्षिण कोरियामा ६ बर्षिया युट्युब सेलिब्रेटी बालिकाले ८० लाख अमेरिकी डलर मुल्य पर्ने घर नै खरिद गरिन् । ६ बर्षिया बोरम नाम कि ती बलिका युट्युबमा यति चर्चित छिन् कि उनको ३ करोड सब्स्क्राईबर छन् । युट्युबमा चर्चित हुँदै जाँदा उनको आम्दानी पनि बढदै गयो । हालसालै उनले सियोलस्थित ८० लाख डलर मुल्यको पाँच तले घर नै खरिद गर्न सफल भएकी छिन् ।

एक भिडियोमा बोरम्

बोरमको २ वट चर्चित युट्युब एकाउन्टहरु छन् । आफ्नो पिताको वालेटबाट पैसा चोर्ने र सडकमा गाडी चलाऊने जस्ता दृष्यहरुका कारण नाबालक बच्चाहरुमा नकारात्मक असर पर्ने भन्दै कोरियामा बोरमको कतिपय भिडियो बिबादमा परेका थिए । कतिपय कोरियनहरुले प्रहरीमा समेत उजुरी गरेपछि सियोल फेमेली कोर्टले बोरमको अभिभाबकलाई बाल हिंसाबाट बालबालिकालाई रक्षा गर्न तयार परिएका काउन्सिलिङ कोर्स गर्न समेत लगाएका थिए ।

एजेन्सी