स्वास्थ्य

नेपालमा हेपाटाइटिस नियन्त्रण : डब्लूएचओ

काठमाडौं । विश्व स्वास्थ्य संगठन (डब्लूएचओ)ले नेपाल हेपाटाइटिस बी रोग नियन्त्रणमा सफल भएको घोषणा गरेको छ ।

नेपालसहित बंगलादेश, भुटान र थाइल्याण्ड यो उपलब्धी प्राप्तीमा सफल भएको संगठनले उल्लेख गरेको छ ।

यो एक प्रकारको सुषुप्त मृत्यु रोगका रुपमा चिनिने रोग हो ।

हेपाटाइटिस बीको संक्रमण पाँच वर्षसम्मका बालबालिकामा १ प्रतिशत भन्दा कममा झार्दै यी मुलुक यस रोगको नियन्त्रणमा सफल भएको विश्व स्वास्थ्य सङ्गठनले जानकारी दिएको छ ।

सरकारले हेपाटाइटिस विरुद्धको खोप बालबालिकालाई निःशुल्क उपलब्ध गराउँदै आएको छ ।

संगठनले सन् २०२० भित्र यी दक्षीण पूर्वी एसियाली मुलुकमा हेपाटाइटिस रोग नियन्त्रण गरिसक्ने लक्ष्य तोकेको छ ।

हेपाटाइटिसका प्राणघातक रोगहरुको संक्रमणबाट दक्षिण पूर्वी एसियामा हरेक वर्ष ४ लाख भन्दा बढी मानिसले ज्यान गुमाउने संगठनको तथ्यांक रहेको छ ।

संगठनले शनिबार विज्ञप्ती जारी गर्दै नेपाल यस रोगको नियन्त्रणमा सफल भएको उल्लेख गरेको हो ।