काठमाडौं । नेपाल एयरलाइन्सले नेपालदेखि जापानको सिधा उडानको भाडा दर सार्वजनिक गरेको छ ।

एयरलाइन्सका अनुसार नेपालबाट एउटै उडानबाट सिधै जापान जान सकिने छ ।

यस रुटको एकतर्फी भाडा ३६ हजार ९ सय ९९ रुपैयाँ कायम गरिएको छ । निगमका अनुसार यस रुटमा वाइडबडी जहाजले उडान गर्नेछ ।

निगमले भदौ १२ का लागि जापानको ओशाकामा सिधा उडान तोकेको छ । त्यसका लागि धमाधम टिकट बुक भइरहेको निगमको भनाई छ ।

यो भाडादर दशैंसम्म कायम रहने भन्दै निगमले यसलाई प्रवद्र्धनात्मक भाडादर समेत भनेको छ ।

प्रारम्भीक चरणमा दुईतर्फी भाडा ७२ हजार ८१४ तोकिएको छ ।

निगमले साताको तीन दिन त्रिभुवन अन्तर्राष्ट्रिय विमानस्थलबाट ओसाका कान्साइ अन्तर्राष्ट्रिय विमानस्थलमा उडान गर्नेछ ।

मङ्गलबार, बिहीबार र शनिबार निगमका वाइडबडी चढी नेपाल देखि जापान र जापानबाट सिधै नेपाल झर्न सकिने छ ।

जापान धेरै नेपाली विद्यार्थी भएको मुलुकमध्ये एक हो । यस रुटको उडान समय ६ घण्टाको हो ।