न्युयोर्क
दादुराको प्रकोप एक्कासी बढे पछी वासिङ्टन राज्यका गभर्नर जे ऐन्स्लीले जनस्वास्थमा संकटकाल घोषणा गरेका छन् ।
गत २६ तारिक शनिबार सम्म वासिङ्टन राज्यमा ३५ जना बिरामीमा दादुरा प्रकोप देखिएको छ । दादुरा पुस्टि भएका ३५ मध्ये ३० जना बिरामीले दादुरा बिरुद्धको खोप नलगाएको, स्वास्थ अधिकारिहरुले बताएका छन् ।बांकी ५ जनाले खोप लगाएको नलगाएको प्रमाणित भएको छैन ।गभर्नर एन्स्लीले राज्यमा संकटकाल घोषणा गर्दै जारी गरेको बिज्ञप्तीमा भनेका छन् ” दादुराको प्रकोपसँग लड्नको लागि राज्यका सैनिक बिभाग र आकस्मिक संचालन केन्द्रले स्वास्थ बिभागसँग सहकार्य गर्दै संयुक्तरुपमा काम गर्ने छन् । छिमेकी राज्य पोर्ट्ल्याड ओरेगनबाट कोलम्बिया रिभर पारीको क्लार्क काउन्टीका ३४ जना र किङ् काउन्टीको एक जनामा दादुरा पुस्टि भएको छ । रोग नियन्त्रण तथा रोगथाम केन्द्रका अनुसार अमेरिकामा प्रभाबकारी खोपका कारण दादुराको उन्मुलन संन् २००० मा नै भएको हो ।तर बिभिन्न देशबाट अमेरिकामा लगातार भित्रिने मानिसहरु मार्फत नयाँ प्रकोप भित्रिने गरेको केन्द्रले संचार माध्यमहरुलाई बताएको छ । केन्द्रले जनबरी महिनाको सुरुमा दादुराका बिरामीको संख्या सार्बजनी गर्दै भनेको थियो “ संन् २००० देखी यता संन् २०१४ मा अमेरिका भरी नै त्यस पछी सबै भन्दा धेरै दादुराका बिरामी ६६७ र २०१८ मा ३४९ को संख्यामा देखिएको थियो । दादुरा हावाबाट सर्ने रोग हो । बिरामीले गर्ने हाच्छिउ खोकी र श्वासबाट सजिलै सर्ने संक्रामक रोग मानिन्छ । दादुरा हुँदा उच ज्वरो आउने शरीरमा राता फोका आउने नाक बन्द हुने लगायतका लक्षण देखिन्छन् । अमेरिका स्थित रोग नियन्त्रण तथा उन्मुलन केन्द्रका अनुसार समयमा उपचार हुन सकेन भने १ हजार दादुराका बिरामी बाल बालिका मध्ये १ वा २ जनाको मृत्‍यु हुने गरेको छ ।
( एजेन्सीको सहयोगमा )