काठमाडौं । प्रहरीले नेत्रविक्रम चन्द ‘विप्लव’ समूहकी काठमाडौं जिल्ला सेक्रेटरी धिरेन्द्रा उपाध्यायलाई पक्राउ गरेको छ । उनी ‘भृकुटी’ उपनामले चिनिन्छन् ।
यसअघि काठमाडौंबाट विप्लवका काठमाडौ इन्चार्ज माइला लामा पक्राउ परेका थिए । पछिल्लो समय प्रहरीले नेकपाविरुद्ध आक्रामक रवैया अपनाइरहेको छ ।
उच्च तहका नेतालाई निरन्तर पक्राउ गरिरहेको छ । कालिकोट स्थायी घर भएकी नेतृ उपाध्याय पहिलो संविधानसभामा तत्कालिन नेकपा माओवादीबाट सभासद थिइन् ।
प्रहरीको विशेष ब्युरोले नेतृ उपाध्यायलाई पक्राउ गरेको प्रहरीले पुष्टी गरेको छ ।
उनी विप्लव समूहको अखिल नेपाल महिला संघकी केन्द्रीय महासचिव हुन । सरकारले विप्लवका गतिविधिमाथि प्रतिवन्ध लगाएको छ ।
विप्लव समूहले चन्दा आतकंसहित बम काण्डहरु मच्याउन थालेपछि सरकारले धमाधम नेता तथा कार्यक्रता पक्राउ गरिरहेको छ ।
