विश्व

तीन तलाक भारतमा अवैधानिक

नयाँ दिल्ली । सम्बन्ध विच्छेद गर्न परे तीन तलाक भन्दा पुग्ने परम्परा अब भारतमा कानूनको दायरा भित्र आएको छ ।

भारतीय लोकसभाबाट ‘तीन तलाक’ विधेयक पारित भएसागै अब तीन तलाक भनेकै भरमा कुनै पनि मुस्लिम पुरुषले महिलासँग सम्बन्ध विच्छेद गर्न नसक्ने भएको छ ।

मुस्लिम समुदायमा श्रीमानले श्रीमतीलाई तीनपटक ‘तलाक’ भनी सम्बन्धबिच्छेद गर्न सक्ने परम्परा रहेको थियो।

कानूनले यस्तो तलाकलाई अब गैरकानूनी ठहर गरेको छ । यो विधेयक लोकसभाबाट पारी गरी राज्य सभामा पुगेको थियो ।

भारतमा लामो समयदेखि यो परम्पराको विरोध भएपनि कानून बन्न सकेको थिएन् ।

यस कानूनको विरोधमा कांग्रेसले राज्यसभामै मतदान गरेको थियो । तर, भारतीय जनता पार्टीको बाहुल्य रहेका कारण राज्यसभाबाट सजिलै पास भयो ।

तीन तलाक पास भएपछि प्रधानमन्त्री नरेन्द्र मोदीले यसलाई ऐतिहासिक दिनको संज्ञा दिएका छन् ।

पुरातनवादी सोँचबाट मुक्त पाएको यो दिन सम्पूर्ण महिलाको विजयको दिन भएको प्रधानमन्त्री मोदीको भनाई छ । राज्यसभामा ८५ मतका विरुछ ९९ मतले यो विधेयक पास भएको हो ।

उता, भारतका विभिन्न स्थानमा महिलाहरुले जिवयी जुलुस निकाल्दै यस निर्णयको भब्य स्वागत समेत गरेका छन् ।