मनोरञ्जन

ओसिन भट्टराईको ‘लेडी डन’ बन्ने सपना

फ़ाईल फोटो

काठमाण्डौ ।
नेपाली चलचित्र क्षेत्रमा नायिका ओसिन भट्टराई अहिले चल्तीको नाम हो । चलचित्र एकलव्यकी नायिका भट्टराईले आफ्नो दोस्रो चलचित्रमा राम्रो अभिनय गरेकी छन् । सानैदेखि अभिनय मोहका कारण आफू नेपाली चलचित्र क्षेत्रमा क्रियाशील भएको उनको भनाइ छ । एकलव्यअघि उनले चलचित्र शब्दमा समेत अभिनय गरेकी थिइन् ।

अहिले ओसिन अभिनित चलचित्र एकलव्य प्रदर्शनमा छ । चलचित्रको प्रचारप्रसारमा पनि उनले लामो समय दिएकी छन् । नायिका ओसिनले आफूलाई मेकअपदेखि टाढै राख्छिन् । आफूलाई चस्माबाहेक अन्य मेकअप मन नपर्ने उनले बताएकी छन् । फिटनेशका लागि उनले धेरै चिल्लो खाने कुरा खाँदिनन् । फेसको भने बिस्तारै फलो गर्न थालेको उनी बताउँछिन् । मम, पानीपुरी र चटपटे उनलाई मन पर्ने खानेकुरा हुन् । अभिनयको क्षेत्रमा पनि लेडी डनको रुपमा चिनाउने उनको सपना रहेको छ ।