काठमाडौं । कोठा भाडामा उपलब्ध नभएका कारण भाडामा कोठा उपलब्ध गराइदिन माग गर्दै काठमाडौं महानगरपालिकामा उजुरी परेको छ।

काठमाडौं महानगरपालिका, न्यायिक समितिले भाडामा कोठा उपलब्ध गराउन माग गर्दै उजुरी परेको जानकारी दिएको छ ।

एकातर्फ कोठा भाडामा पाएइन भनेर उजुरीको परेको थियो भने अर्कोतर्फ घर भाडामा लगाई पाउँ भनेर समेत उजुरी परेको बुधबार सार्वजनिक विवरणमा जानकारी दिइयो ।

काठमाडौं महानगरपालिका, को न्यायिक समितिले मेयर विद्यासुन्दर शाक्यसमक्ष गत आर्थिक वर्ष २०७५\७६ को कार्य प्रगति विवरण बुझाएको छ । विवरण अनुसार एक वर्षमा १९८ उजुरी दर्ता भएका छन् ।

६१ वटा फर्स्योट भएको र ९० उजुरी विचाराधिन अवस्थामा रहेको विवरणमा उल्लेख रहेको छ ।

उजुरीमध्ये सबैभन्दा बढी ५४ उजुरी घर कोठा खाली गराई पाउन माग गर्दै परेको छ । न्यायिक समितिमा परेका उजुरीमाथि छानबिन गरी पीडितलाई न्याय दिने कामलाई तीव्रता दिइएको दावी पनि गरेको छ।