समाचार

किराले टोकेर न्युयोर्कमा एकको मृत्‍यु

बिरलै देखिने र सुनिने “टिक बर्न” रोगका कारण अमेरिकाको न्युयोर्कमा गत बिहीवार एक जनाको मृत्‍यु भएको स्वास्थ्य अधिकारीहरुले बताएका छन । पहिचान नखुलाईएका हड्सन भ्याली निवासी ब्यक्तीको पोवासन (Powassan) नामक जिवाणुको कारण मृत्यु भएको घटना न्युयोर्कमा यो बर्ष पहिलो हो । पोवासन जिवाणु झट्ट हेर्दा सामान्य किरा जस्तो देखिने “डियर टिक” को टोकाईबाट मानव शरिरमा फैलने गर्दछ । डियर टिक किरा पुर्वी अमेरिकामा ब्यापक रुपमा पाईने किरा हो ।  यदी मानिसलाई त्यस्तो संक्रमित किराले टोकेको अवस्थामा मानिसको ज्यान नै जाने खतरा हुने गरी जिवाणु ब्रेनसम्म पुग्ने र ब्रेन सुन्निने हुन्छ, जस्को उपचार नै हुँदैन । डियर टिकको टोकाईबाट मानव शरिरमा सर्ने यो रोग बिरलै देखिने गरेपनि अमेरिकामा बिस्तारै बढदै गएको स्वास्थ्य अधिकारीहरुले बताएका छन् ।  

अमेरिकामा यस्तो प्रकृतिको स्वास्थ्य समस्या सन २००९ मा ६ वटा पाईएको थियो भने अघिल्लो बर्ष मात्र २१ वटा यस्ता केसहरु आएका थिए । पोवासन भाईरसको संक्रामणपछि मानिसलाई सामान्यतया टाउको दुख्ने ज्वरो आउने रिङ्गटा लाग्ने जस्ता संकेतहरु देखा पर्दछन् अनि बिस्तारै  जिवाणुले दिमागमा आक्रमण गर्दछ । १० जना यस्ता बिरामीमा १ जनाको मृत्‍यु हुने गरेको छ भने सन्चो भएर फर्किनेहरु पनि जीवनभर पूर्ण स्वस्थ भने हुन सक्दैनन् ।  

श्रोत : डेली मेल