टेक्सस । अमेरिकाको टेक्ससमा भएको गोलिकाण्डमा २० जना मारिएका छन् । कम्तिमा २६ जनालाई घाईते अवस्थामा अस्पताल पुर्याइएको छ ।

एक सपिंग मलमा भएको भयानक गोली काण्डमा ठूलो हताहती भएको हो । टेक्ससस्थित एल पासो क्षेत्रमा पर्ने सीएलओ वालमार्टमा यो गोली काण्ड भएको हो ।

यो अमेरिका र मेक्सिकोको सीमा नजिकै पर्ने क्षेत्र हो । प्रहरीले घटनामा संलग्न भएको आरोपमा एक जनालाई नियन्त्रणमा लिएको छ ।

अमेरिकी संचारमाध्यमहरुका अनुसार पक्राउ पर्नेमा २१ वर्षिय प्याट्रिक क्रुसियस रहेका छन् । अमेरिका मै बस्ने उनको संलग्नताबारे अध्ययन भइरहेको प्रहरीले उल्लेख गरेको छ ।

स्थानीय समय अनुसार बिहान ११ बजेट गोलीबारीको पहिलो खबर आएको थियो ।

मिडियाले सार्वजनिक गरेको सीसी फूटेजअनुसार कालो टीशर्ट लगाएरका बन्धुकधारीले मलमा अन्धाधुन्द गोली प्रहार गर्दा ठूलो मानवीय क्षति हुन पुगेको छ ।

जब ११ बजे पहिलो खबर सार्वजनिक भयो, त्यसबेला शहरका अन्य विभिन्न स्थानमा गोली चलेको पनि खबर आएको थियो । तर, ती खबर भने साचो नरहेको प्रहरीले पुष्टी गरेको छ ।

एल पासो शहरका मेयरका मेयर डी मार्गोले अकल्पनीय दुखद खबर घटेको प्रतिक्रिया दिएका छन् ।

यता, अमेरिकी राष्ट्रपति डोनाल्ड ट्रम्पले पनि घटनाप्रति दुख व्यक्त गरेका छन् । टेक्सस राज्यका गर्वनर ग्रेग एबॉटले यस घटनालाई संवेदनशील हिंसाको संज्ञा दिएका छन् ।

एजेन्सी