अर्थतन्त्र

अमेरिका चीन व्यापार युद्ध, सेयर बजारमा गयो पहिरो

न्यूयोर्क
चीन र अमेरिकाबीचको बढ्दो व्यापार युद्धको प्रभावले सेयर बजारमा अत्यास उत्पन्न गराएको छ । सोमबार अमेरिकी सेयर बजारका अधिकांश तीब्र गतिले घटेका हुन् ।
चीनसँगको व्यापार वार्ता असफल भएपछि राष्ट्रपति डोनाल्ड ट्रम्पले थप ३०० सय अर्ब डलर बराबरका चीनियाँ उत्पादनमा १० प्रतिशतका दरले भन्सार लगाउने घोषणा गरेका थिए । त्यसको प्रतिकृया स्वरुप चीनले आफ्नो मुद्रा अवमूल्यन गराउने रणनीति अख्तियार गर्यो ।

चीनले सोमबार एक अमेरिकी डलर खरिद गर्न सात युआन खर्चिने निर्णय गरेको थियो । चीनले आफ्नो मुद्रा पछिल्लो एक दशककै न्यून विनिमय दरमा झारेको हो । साथै अमेरिकी कृषि उत्पादन खरिदमा पनि रोक लगाएको छ । यो परिघटनाको प्रभाव सेयर बजारमा देखिएको हो ।

अमेरिकी बजारहरु सोमबार खुल्ने वित्तिकै ओरालो लागेका थिए । डाउजोन इन्डष्ट्रियल इन्डेक्समा ७६७ अंकको गिरावट आयो । बिषेश गरि प्रविधिमा आधारित कम्पनीको सेयर मूल्य तीब्र रुपले घटेको छ । आजको गिरावटलाई नोभेम्बर २०१६ पछिकै ठूलो ह«ासको रुपमा विश्लेषकहरुले बताएका छन् ।