न्यूजर्सी । शुक्रबार मे १७, एटलान्टिक सिटी न्युजर्सीमा सम्पन्न नास्काद्वारा आयोजित वल्र्ड एसोसिएसन अफ किक बक्सिङ अर्गनाइजेसन अन्तर्रा्ष्ट्रिय प्रतियोगितामा ‘वाको’ खेलमा उज्ज्वल ठकुरीले रजत पदक जितेका छन् । वाको अमेरिकाको उक्त प्रतियोगितामा पोइन्ट फाइट ७४ केजी प्लस तौल समूह ब्ल्याक बेल्ट एक्सिबिसन फाइटमा ठकुरीलाई उक्त पदक मिलेको हो ।
ठकुरी अमेरिकाका ३ पटक राष्ट्रिय पदकधारी खेलाडी २९ वर्षीय मिलर ओमारीसँग भिडेका थिए । नास्काअन्तर्गत राखिएको वाको युएसए खेल वल्र्ड एसोसिएसन अफ किक बक्सिङ अर्गनाइजेसनको हो । त्यसैगरी उनले नास्काको सृजनात्मक कातामा कास्य पदक पनि हासिल गरेका छन् ।
ठकुरी भन्छन्– ‘हारजित भइरहन्छ, सधंै अमिताभ र अल्पाचिनोको फिल्म हिट हुन्न अनि माइक टाइसनले हारेका उदाहरण पनि छन्, मैले हरेक भिडन्तबाट नयाँ सिकिरहेको हुन्छु ।’