समाचार

प्रहरी नै वन्यजन्तु तस्करीमा, जवान पक्राउ

दार्चुला । सशस्त्र प्रहरी जवान दीपकसिंह बडाल बाघको अबैध छालासहित पक्राउ परेका छन् ।

दार्चुलाको दुहुँ गाउँपालिका–३ तिमुरपाटाबाट प्रहरीले सशस्त्र प्रहरीका जवानलाई बाघको छालासहित पक्राउ गरेको हो ।

उनी शुक्रबार राति पक्राउ परेको प्रहरीले जानकारी दिएको छ गस्तीमा खटिएको प्रहरीले जवान बडाललाई पक्राउ गरेका हो ।

उनको साथबाट ३९ इन्च लामो तथा १० इन्च चौडा बाघको छाला बरामद गरेको प्रहरीले जानकारी दिएको छ ।

नेपालमा बाघको चोरी शिकार अबैध छ । लोपोन्मुख प्राणी भएका कारण यसको संरक्षण सम्बन्धि अन्तर्राष्टिय कानूनहरुमा नेपालले सम्झौता गरेको हुन्छ ।

सोहीकारण अति संरक्षण गर्नुपर्ने जनावारका रुपमा यसलाई सूचिकृत गरिएको छ ।

पक्राउ परेका बडाल दार्चुलास्थित सशस्त्र प्रहरी सुरक्षा गुल्म नम्बर ५० कार्यरत रहेको बताइएको छ । उनीमाथि थप अनुसन्धान भइरहेको प्रहरीको भनाई छ ।